Mas paabaskugon pa gid sang Philippine Coast Guard ang seguridad sini ilabi na sa mga puerto.
Suno sa commander sang Coast Guard sa Southern Visayas District doblehon nila ang presensya ukon ang visibility sang personnel ilakip na ang K-9 units para mas ma monitor ang pagsulod sang mga kontrabando bisan pa ang mga elemento nga luyag mag pa mentaha.
Sa karon may kakulang gid man sa K-9 units ang Philippine Coast Guard Southern Visayas District rason nga nag hinyo na sang bulig gikan sa headquarters.
Suno kay Capt. Eduardo De Luna ang commander sang coast guard Southern Visayas District.
May ginapaabot nga dugang nga K-9 units kag sang sini lamang, may anum nga nag abot kag ini ang iga assign sa nagkalain lain nga coast guard station.
Sa anti-drug campaign isa sa gina lantaw rason nga maka sulod ang supply sang illigal nga droga gikan sa iban nga lugar amo nga maka lusot ini sa mga puerto.
Suno kay De Luna doblehon ang visibility sang personnel lakip na K-9 units.
Wala labot sa mga kontrabando nga ginabantayan sang coastguard, ginapabakod man nila ang ila nga monitoring sa ano man nga threat.
Suno kay De Luna soft target man sang mga elemento nga luyag mamentaha ang station sini sa Hinoba-an.
Kag tungod nga amat amat naman ang paagbalik sang turismo, nalakip man ini sa mga tutukan sang coast guard – ang pagpabaskog sang ila nga monitoring sa mga beaches nga kabahin sang surveillance.
Maga pakig angut man ang coast guard sa Philippine Ports Authority bahin sa seguidad para mapasuguro nga mapangapinan ang iban nga pasilidad nga yara sa puerto.