Shadow

Atty. Diaz: Wala gina approve ang S-PaSS nga may sala nga impormasyon

Ginklaro ni provincial administrator Rayfrando Diaz nga wala naga approve ang probinsya sang S-paSS nga may indi amo nga impormasyon ukon false information.

Ini kasunod nga gin kwestion ni Bacolod EOC executive director, Em Ang, ang advisory sang PAL nga naga require sang mga maga padulong sa Bacolod nga mag declare nga sila ang residente sang Barangay Airport siudad sang Silay sa ila nga pag apply sang S-PaSS. Suno kay Ang kasubong lamang nga ginhatagan sang instruction ang pumuluyo nga maghatag sang false information.

Suno kay Diaz, wala ang probinsya sang gin aprobahan nga S-PaSS nga peke ang impormasyon.

Ang S-paSS application sa probinsya ni Atty John Orola ang wala gin aprobahan suno kay Diaz bangud indi amo ang address, kag ini ang dapat sa Bacolod City, karon nga naga proseso naman ang siudad sang S-paSS application. Tigaylo pass through permit na lamang ang igahatag sa iya sang probinsya.

“Baskog siya sa Bacolod, he should get an S-PaSS easily. Two, peke iya address. Number 3, kinahanglan passing through permit na lang ya ang applyan ni Mr. Orola kay malabay lang siya kay that is allowed already under Bacolod kay unrestricted pwede na kita ka pass through permit”, suno kay Diaz.

Suno naman kay Orola, naka kuha na siya sang S-PaSS sa Bacolod kag nag apply siya sa probinsya bangud naka baton man sila sang instruction bahin sa pag apply para sa amo nga S-paSS. Suno sa staff ni Orola, Nobyembre 23 niya gin proseso ang S-PaSS ni Orola kag ang instruction sang PAL amo nga ang ibutang, Silay City ang destination kag ang Barangay, Airport. Pero sang iya nakit-an ang announcement sang Bacolod nga nagabaton ini sang S-PaSS application, nag-apply siya liwat sang Nobyembre 24 kag ini ang na aprobahan gilayon.

“Kay amo na ang gin hambal nila nga via sa Silay kuno. Kay ang airport sa Silay. Kay ang airpot sa Silay, so therefore amo gin apply, amo ginsunod man lang na. later on, kagapon lang ko kakita sang exchange sang gilinamo. Nakibot ako ano nag kalatabo haw. May ara naman ko sa S-PaSS, Bacolod
eh”, suno kay Orola.

Damlag pa, may indi paghilisugot ang probinsya kag siudad sang Bacolod bahin sa pagpatuman sang S-PaSS sa mga magapadulong sa Bacolod.

Leave a Reply

Your email address will not be published. Required fields are marked *

Secured By miniOrangeSecured By miniOrange