Shadow

Atty. Diaz: Indi puno ang mga hospital sa Negros Occidental kag halog pa ang quarantine facilities

Indi puno ang mga ospital sang Negros Occidental. Nag halog naman ang mga quarantine facilities sini.

Ini suno kay provincial administrator Rayfrando Diaz sa October 31 nga report sang probinsya.

Sa sulat ni Mayor Evelio Leonardia sa Department of Health angut sa iya nga paghinyo nga pag downgrade sang alert level 4 sang Bacolod, iya ginsiling nga 69 percent ang healthcare capacity utilization sang tertiary private kag DOH regional hospital sa Bacolod, kun sa diin katunga sini ang gikan sa mga LGU sang Negros Occidental.

Suno kay Diaz, daku pa ang bed capacity nga available sa mga ospital sa probinsya, kag lipod man sa ila nga ihibalo kun ano ang nangin basehan sang datus sang siudad.

Dugang pa ni Diaz, sa severe ukon critical cases, kun mag padulong man sa ospital sa Bacolod ini ang nagakaigo lamang bangud ang mga ospital man lamang sa siudad ang gina tugutan sang pila ka mga procedures kasubong sang pag intubate.

May mga pasyente sa Bacolod nga nagahinyo sang bulig paagi sa 911 sang Negros Occidental bangud wala na sang ambulance nga makadala sa ila, kag may mga naga ayo man gani sang swabbing.

Leave a Reply

Your email address will not be published. Required fields are marked *

Secured By miniOrangeSecured By miniOrange