Katapo sang Asenso Bacolod natalana nga magapatigayon sang convention para pilian ang paga-suportahan sa pagka-konsehal sang siudad.
Sa pagsinapol ni Mayor Albee Benitez upod sa mga punong barangay sang siudad kahapon naistoryahan ang mangin line-up sang katapo sang Asenso Bacolod. Ginsiling ni Barangay Singcang-Airport Punong Barangay Caesar Distrito nga amo ang nagaserbe spokesperson sang alkalde, isa ka convention ang ginpaabot nga patigayunon agud nga pili-on ang paga-suportahan nga kandidato sa pagka konsehal. Ini bangud sang kadamuon sang luyag mag-upod sa grupo para sa natalana nga local elections.
Dugang ni Distrito nga halin sa 12 ka naga-tuyo magapapili, iga trim down sang grupo sa anum ang pili-on nga updon para sa line-up sa 2025 elections. Sa karon ginahulat pa sa gihapon sang grupo ang mangin desisyon sang alkalde para masunod nga pinili-ay kun bala ini ang maga pa re-elect, maga-switch sang position kay Congressman Greg Gasataya, magbaton sang cabinet position, magpapili bilang senador ukon magpahuway sa pulitika.