Sa mga may driver’s license nga may 5 year validity kag kinahangalan nga mag pa renew dapat magpaidalom sa comprehensive drivers education.
Sa advisory sang Land Transportation Office Region 6 sa page sini gina abisuhan na ang mga maga pa renew sumugod Nobyembre 8, nga dapat mag comply sa mga requirements sa amo nga renewal.
Pero suno Atty Allan Sacramento ang legal officer kag spokesperson sang LTO Region 6 wala pa man sang abiso gikan sa national office sa petsa bahin diri. Unahon anay ang Metro Manila sunod ang Luzon, Visayas kag Mindanao.
Pero kun madayon pila sa mga rekisitos amo ang refresher course nga pwede ma access sa LTO portal para sa mga yadtong naka pa register na. Ini mga balasahon. Sa LTO portal man sarang makakuha sang exam kag kun makapasar ang certificate of completion iga email sa natungan.
Sa Region 6 sa kalibo pa lamang kag sa lto nga talatapan sa Jaro, Iloilo may yara sang drivers education center kun sa diin pwede nga magtambong sang face to face nga driver education nga libre.
Plano pa lang magbutang sa Negros Occidental suno kay Sacramento. Pwede man ini sa mga lto accredited driving school pero may bayad.
Depende naman sa assessment kun eligible ukon pwede ang applicant para sa driver’s license nga may 10 year validity. Maga depende ini sa record sang driver kun siya ang may mga traffic violation ukon wala.
Wala labot sa comprehensive drivers educations certificate of completion, kinahanglan man sa renewal ang medical certificate kag original nga drivers license.