Shadow

Anay Himamaylan City Mayor Mencit Bascon nagtaliwan sa edad nga 88; anay OPA head nagtaliwan man

Anay Himamaylan City Mayor Carminia “Mencit” Bascon ang nagtaliwan sa edad nga 88.

Ginsiling sang iya anak nga si anay Himamaylan Mayor Agustin Ernesto “Tinto” Bascon nga siya ang nagtaliwan las 2:30 kaina sang kaagahon sa ospital sa Bacolod.

Dala sang kumplikasyon nga nagtuga sang multiple organ failure ang gintunaan sang kamatayon sang anay alkalde suno sa iya nga anak.

Nagserbe nga municipal kag city mayor sang Himamaylan si Mencit sa sulod sang 12 ka tuig.

Nag serbe man siya bilang bise alkalde sa sulod sang siyam ka tuig kag naka pangalagad bilang konsehal man.

Suno kay Tinto buas paga dal-on balik sa Himamaylan ang iya nga iloy.

Sa Domingo, Enero 18 naka schedule ang iya nga lubong.

Sa pihak nga bahin, nagtaliwan man ang anay pamuno sang Office of the Provincial Agriculturist sang Negros Occidental nga si Edmundo Raul Causing kahapon nga adlaw Enero 13 sa edad nga 57.

Nagpungko bilang Provincial Agriculturist si Causing sadtong Pebrero 2022 tubtob July 2023.

Antes sa iya pag pangalagad sa gobyerno nag serbe man siya sadto bilang Department Chair sang Agribusiness Management sang University of St. La Salle kag nangin faculty member man sang College of Business and Accountancy.

Secured By miniOrangeSecured By miniOrange