Shadow

May libre sakay halin sa BCGC pakadto sa Ayala sa Huwebes

Libre-Sakay sa green route halin BCGC kag Ayala suguran na sa Huwebes sa Bacolod.

Magalawig sa 30 days ang experimental test-run sang mga electric jeepney nga magabyahe sa green route halin Bacolod City Government Center kag Ayala Malls Capitol Central kag vice-versa.

Ginpahayag ni Secretary to the Mayor, Jose Marty Go nga sa Huwebes na magasugod ang libre-sakay para sa maga byahe nga e-jeep sa ginaplano nga mangin dugang nga rota.

Duha sa mga e-jeep nga gin-donate sa siudad ang gamiton para sa libre-sakay.

Samtang, ginahulat pa sang Bacolod LGU ang approval sang Land Transportation Franchising and Regulatory Board para sa opisyal nga pag byahe sang e-jeep  sa Barangay Cabug kag Vista Alegre nga mga rota.

Ang green route nga gintalana para sa mga e-jeep ang kabahin sa mga tikang sang Benitez Administration sa tuyo nga maamligan ang palibot kag mabuligan ang katapo sang transport sector sa epekto sang masami pagsaka sang presyo sang produkto petrolyo.

Secured By miniOrangeSecured By miniOrange