Ginduso ang revision sa Sugar Industry Development Act ukon ang SIDA sa gin patigayon nga hearing sa kongreso angut sa pag sarurot sang presyo sang kalamay.
Sa interview kay anay Governor Rafael “Lito” Coscolluela sang Confederation of Sugar Producers, ang mga stakeholders suno sa iya ang naga lagas sa tiempo para maduso ang revision sa tuyo nga mas mapabakod ang regulation kag ang long-term support para sa sugar sector.
Nalakip suno sa iya sa ila nga proposed amendments ang pag expand sang otoridad sang Sugar Regulatory Administration ukon SRA sa pag monitor kag regulate sang pag sulod sang artificial sweeteners ukon sugar substitutes kaangay sang high fructose corn syrup kag iban pa kasubong man sa pag butang sang isa ka sugar supply monitoring system gikan sa farm padulong sa retail.
Nalakip man sa gina duso nga revision amo ang pag increase sang annual SIDA budget gikan sa P2 billion padulong sa P5 billion para mapondohan ang farm productivity, mill efficiency upgrades, infrastructure, research and development, human resource development kag market access programs para sa mga sugar producing nga lugar.
Sanday representative Javier Miguel Benitez, Emilio “Dino” Yulo, Mercedes Alvarez kag Manuel Frederick Ko ang kabahin sa mga mamalidha nga yara sa committee on Agriculture and Food hearing angut sa sugar industry.
Gintalakay ang pag barato sang presyo sang kalamay kag ang impact sini sa sugar producers kag workers.
Sa pihak nga bahin, ang National Congress Unions in the Sugar Industry of the Philippines ukon ang NACUSIP ang nag panawagan sang resignation sang Sugar Board members lakip na kay SRA Administrator Pablo Luis Azcona.*
[sibwp_form id=1]