Masobra duha ka bulan kag tunga, nakit-an ang kalabera sang amay nga na-missing sang paglaslas ni Bagyo Tino sang tinalikdan nga Nobyembre 4, 2025.
Nasapwan sang manugtapas sang tubo ang kalabera sa tunga sang kampo nga sakop sang Sitio Jalandoni sa Barangay Bato, banwa sang Hinigaran sadtong Biyernes sang hapon.
Narekober sa lugar ang isa ka sling bag nga may unod nga identification card sang biktima nga ginkilala kay Dennis Sellado, 51-anyos.
Si Sellado ang driver sang puti nga Nissan pickup truck nga na-report nga missing sang maabtan siya sang baha sa Taytay Galo, Barangay 5 sa banwa sang Isabela, Negros Occidental.
Ulihi nga nakit-an si Sellado nga nagatindog sa likod sang pickup mga las 5 sang hapon sadtong Nobyembre 4.*