May nabaton na sadto nga reklamo si Punong Barangay Rodney Carmona gikan sa fisherfolks sang Pahanocoy batuk pagpanapas sang bakhaw nga gina himo sang isa ka resort owner.
Ugaling indi niya na sakop ang amo nga area amo kun ngaa wala siya may nahimo. Pero sang nakita nila nga naga tumpok na sang balas kag filling materials sa bulwangan na mismo sang Sum-ag River ang amo nga resort owner, didto na nag himo sang tikang ang punong barangay.
Kahapon gin serbe sang City Legal Office sang Bacolod ang cease and desist order nga naka address kay Engr. Andre Taculod para untatan ang iya nga operation sa bahin sang Barangay Pahanocoy kag
Barangay Sum-ag.
Nabutang sa CDO nga may ginpang tapas nga bakhaw sa kapin sa tatlo tubtob apat na ka ektarya nga area kag may gintukod pa nga mini port nga mahimo mag resulta sa pag baha.
Wala gin pirmahan ang amo cdo sang natungdan pero may note sa idalom nga ginbinlan sang kopya ang isa ka ginkilala kay Franklin Taculod.
Suno pa kay Carmona kahapon may dumptruck nga nag tinghua nga mag sulod sa area pero wala na ini ginpasugtan sang City Legal Office.
Nag sugod na ang barangay sa pag monitor sa resort kun bala gin sunod nila ang ginpapanaog nga CDO.
Bisan ang Comminity Environment and Natural Resources Office nag siling nga indi pwede mapang tapas ang bakhaw kay protected ini sang layi. Gani ang cenro maga serbe nga witness kag ang barangay council sang sum-ag ang mangin tagreklamo sa kaso nga ipasaka sa bwas ukon sa Lunes batuk sa resort owner.
Ginkadtuan sang Digicast Negros ang opisina ni Tacolod sang martes pero wala siya didto.
Nag bilin sang contact number ang reporter pero wala sang text kag tawag nga nabaton gikan sa kay Tacolod.
Pagka hapon ang iya staff sa iya opisina ang nag siling lang nga indi man siya nila ma contact.