Shadow

8 ka job order casuals sa San Carlos City nag positibo sa iligal nga droga

San Carlos PIO photo

May walo ka mga job order workers sa siudad sang San Carlos ang nagpositibo sa pag gamit sang iligal nga droga.

Ini base sa initial nga resulta sang nagapadayon karon nga drug testing sa mga empleyado sang siudad.

Suno kay Mayor Renato Gustilo, natungod nga sila ang mga job order workers hatagan sila sang isa ka semana agudto matapos nila ang ila nga trabaho kag pagkatapos sini indi na sila sarang makabalik pa sa trabaho.

Paathag ni Gustilo ang surprise drug testing sa mga permanent kag casual employees lakip na mga job order workers ang tuigan nga ginapatigayon base man sa mandato sang gobyerno para sa isa ka drug-free government office.

Ang mga naka schedule nga magpaidalom sa drug test ang dapat nga magpakita gid kag mag paidalom sa drug test magluwas na lamang kun may nagakaigo nga rason kasubong sang official travel ukon nagmasakit.

Sang Lunes pa nagsugod ang drug testing sa mga empleyado kag ini ang batch by batch.

Ang mga regular ukon permanent employees naman nga mag positibo sa pag gamit sang iligal nga droga ang ipaidalom sa due process.

Pero suno kay Gustilo sa masami ini sila ang gina istorya kag naga voluntary resign para malikawan na lamang ang posible kaso nga atubangon.

Leave a Reply

Your email address will not be published. Required fields are marked *

Secured By miniOrangeSecured By miniOrange