Lima ka mga voter registrants sa nagkalain lain nga mga barangay sa Bacolod ang gin dis-aprobahan sang Election Registration Board.
Tigayon na nga nakapapanaog sang resolution ang ERB sa 77 ka mga gin-oppose nga voter registration application.
Suno kay Atty Kathrina Trinio–Cana, ang elections officer sang Bacolod Comelec kag pamuno man sang ERB, sa 77 nga ginpaidalom sa hearing, lima ang ila nga gin disaprobahan.
Suno kay Trinio–Cana, ini natungod nga indi na sila mga residente sang mga natungdan nga barangay sa bacolod sang tiun nga ginpatigayon ang ERB hearing.
Sarang ini sila sa gihapon maka apply bilang voter registrants sang siudad, pero dapat bilang residente sa mga barangay na kun diin sila sa karon ang naga puyo.
302,168 na ang registered voters sang Bacolod as of June 30. Padayon pa ang voter’s registration tubtob sa setyembre 30 kag sa oktubre naman ang masunod nga ERB hearing para sa mga bag-o nga nag apply.
Natalana naman nga magpa gwa sang schedule sang sattelite registration ang Bacolod Comelec para sa bulan sang agosto kag ini ang gintalana sa kada Biernes kag Sabado nga mga adlaw.