Pito ka mga siudad kag banwa sa Negros Occidental ang nagbaton sang tig 7 million pesos nga SGLG incentive fund.
Ang siudad sang Talisay, Silay, Sagay, San Carlos, HImamaylan, Bago kag banwa sang Hinoba-an ang nagbaton sang Seal of Local Governance Incentive Fund sa gin patigayon nga turn-over ceremony sang Department of the Interior and Local Government sa Capitol Social Hall sang Martes.
Ginkilala ni Governor Eugenio Jose Lacson ang hard work, efficiency, kag dedication sang mga awardees kasubong man ang ila nga result-oriented public service kag pag duso sang transparency kag accountability sa gobyerno.
Ang financial assistance ang paga gamiton sa local priority projects ukon reforms nga maka pasanyog pa gid sang transparency kag accountability sa tanan nga local government transactions kasubong man makabulig pabaskog sa pagpanghanda sang mga LGU batuk sa mga disaster.