Anum ka pangayaw nga katapo sang budol budol nga grupo ang arestado.
Suspected shabu kag granada gina-alegar nakuha pa sa ila.
Arestado ang anum ka mga persona matapos ila gin budol budol ang isa ka pawnshop sa Barangay Binalbagan sa Canlaon City, Negros Oriental.
Ang mga gindakop amo sanday Andres Maasin Jr., Judelyn Domingo, Rose Ann Montes, Jovie Villareal, Carlota Franco kag Jerelle Natividad.
Suno sa PNP, ang pawnshop ang nag pangayo sang bulig sa PNP matapos sila ang gin prendahan sang peke nga alahas sa baylo sang 50,000 pesos.
Naaresto sa pursuit operation ang anum ka mga suspek.
Nakuha pa sa driver nga si Maasin ang isa ka granada kag and mga babaye nga suspek ang nakuhaan naman sang anum ka sachet sang suspected shabu.
Lunsay mga pangayaw ang amo nga mga persona kag ang iban sa ila gikan sa sa Metro Manila.
Detained karon ang mga suspek sa Canlaon City PNP.