Nag abot na kahapon sa Negros Oriental ang una nga batch sang COVID-19 vaccines nga gamiton sang probinsya agud matapna ukon mapahagan hagan ang paglapta sang COVID-19.
5,400 ka sinovac vaccines ang nag abot kahapon sa probinsya.
Suno kay Negros Oriental IATF ground commander, Dr. Liland Estacion, ang una nga batch sang vaccines ang ila nga ihatag sa mga frontliners sang mga hospital nga naga cater sang COVID-19 patients.
Ila man tagaan suno kay Estacion ang mga frontliners sa Siquijor gikan sa una nga nag abot nga bakuna.
Ginapaabot pa sang probinsya ang sunod pa nga batch sang COVID-19 vaccines sa masunod nga mga sinemana.
Sa karon, padayon ang pag nubo sang active cases sa Negros Oriental .
38 ka new recoveries ang na record sang Negros Oriental kahapon kag 15 ka new cases.
Nag panaog na sa 97 ang active cases sang COVID-19 sa probinsya.
Samtang sa Negros Occidental naman, may pito man ka bag-o nga kaso nga na record kahapon.
Wala naman sang new cases nga na record sa Bacolod City.