Shadow

Ika duha nga dose sang mga bakuna kontra COVID-19 sang Bacolod igahatag anay sa Negros Occidental

Second dose sang Sinovac nga ginpadala sang Department of Health para sa mga health care workers sa mga ospital sa Bacolod City ang ihatag anay sa mga ospital sa Negros Occidental.

Ginpahayag sang DOH Region 6 nga wala nadala sa una nga shipment sang bakuna ang probinsya bangud naulihi ini sa paghatag sang detalyado nga listahan sang mga health care workers nga pagabakunahan.

Ang 6,300 ka dose sang bakuna nga nag abot sang Biernes ang para sa mga ospital sa Bacolod.

Pero bangud naghinyo man ang Negros Occidental sang bakuna gikan sa DOH, nagdesisyon ang ahensya nga ihatag nalang anay ang katunga sang nabaton sang Bacolod sa apat ka mga ospital sa Negros Occidental para makasugod na sila sa pagbakuna sini nga semana.

Magapadala na lamang liwat ang DOH sang dugang nga bakuna para magserbe nga second dose sang mga nabakunahan na sa Bacolod.

Ginakalipay naman ini sang Bacolod EOC bangud mas madamo nga health care workers sa Bacolod kag Negros Occidental ang mabakunahan.

Leave a Reply

Your email address will not be published. Required fields are marked *

Secured By miniOrangeSecured By miniOrange