Isa ka 52 anyos nga manug panglimpyo sang drainage ang nagtaliwan bangud sang suspected leptospirosis.
Sa report sang City Health Office, ang 52 anyos nga lalaki nga taga Brgy Villamonte, sa Bacolod, ang nag pakonsulta kag gin-refer para sa admission sa ospital bangud sang kabudlayan sa pag ginhawa sadtong Enero 25.
Sya ang nagtaliwan pag kasunod nga Adlaw, Enero 26.
Suno sa CHO, ginasiling nga masami nga naga panglimpyo sa mga drainage ang 52 anyos nga wala sang boots kag gloves.
Nagalapta paagi sa ihi sang mga apektado nga kasapatan kaangay sang ilaga ang lepstospirosis.
Naga abiso si Dr Grace Tan, pamuno sang Environmental Sanitation Division sang CHO nga likawan ang pag ubog sa tubig baha, kun naka ubog mag pakonsulta para mahatagan sang prophylaxis, himuson ang basura kag dapat indi ibale wala ang pag hilanat.
Sa record sang CHO may apat ka leptospirosis cases kag isa ka probable leptospirosis death.
Kun ipa anggid sa nagligad nga tuig, mas manubo ang kadamuon sang kaso sang leptopsirosis subong nga tuig.