Buas sa Regional Joint Security Control Center Coordinating Conference nga patigayunon gina pa abot ang pag finalize sang mga areas of concern sa Negros Occidental.
Suno kay Provincial Elections Supervisor, Ian Lee Ananoria, nagsapol na sila sa provincial level kag may yara na sila sang iga forward sa RJSCC kag ini ang subject for approval.
Damlag pa ginsiling na sang PNP nga green category ang ila nga assessment sa mga lugar sa Negros Occidental.
Ugaling nag pa gwa si Comelec Commissioner Aimee Ferolino, nga naga pamuno sang Committee on the Ban on Firearms and Security Concerns, sang listahan nga naga lakip sa “yellow” category sang Isabela kag San Enrique kag sa “orange” category naman sang Calatrava, Cauayan kag Sipalay City.
Samtang, ginsiling man ni Ananoria nga iga finalize man sang PNP ang ila nga deployment kag nalakip na diri ang konsiderasyon sa contingency plan para sa bulkan Kanlaon.
Tig duha ka personnel ang deployment sa kada polling center sa kinaandan.
Damlag pa ginsiling sang Army nga masobra sa 1,000 ang ila nga iga deploy para sa piniliay.
“(Indi na tanan green sir?) I thresh out pa nila ang mga detalye and then they will come up with a recommendation bwas kun ano gid ang category nga ibutang namon. It will come from me then the RJSCC will approve it and forward it sa national”, suno kay Ananoria.