Mga katapo sila sang grupo nga Kapatiran ukon mga anay katapo sang RPA-ABB, ang breakaway group man sadto sang New People’s Army.
Iban sa ila madugay na nga nagbalik sa sabak sang gobyerno kag natagaan na sang mga lugar kun sa diin sila makapangabuhi kaupod ang ila nga mga pamilya.
Kaina 45 ka mga katapo sang kapatiran nga taga San Carlos City ang ginbuligan sang 79th Infantry Battalion nga maka proseso sang ila nga amnesty.
Yara man ang mga opsiyal sang National Amnesty Commission kag Presidential Adviser on Peace, Reconciliation and Unity.
May iban pa gid nga mga areas nga magasunod nga maga proseso man sang ila nga amnesty.