Fogging operation sa mga eskwelahan sa Bacolod ipatuman kun weekend agud mapahagan-hagan ang kaso sang dengue.
Isa ka 64-year-old nga lalaki ang nahauna nga probable dengue death sa Bacolod City sa 2025.
Ang pasyente nga taga Barangay Alijis.
Nag-gwa sa record sang City Health Office nga naglab-ot na sa 180 ang dengue cases sa siudad halin sang Enero 1 asta Pebrero 22.
Nagtaas ini sa 172 percent kun ipaanggid sa amo man nga period sang nagligad nga tuig.
Natungod sang pagsaka sang kaso sang dengue ginpahayag ni Deputy Spokesperson RJ Paglumutan sang DepEd Division of Bacolod City nga nagapadayon ang pagpatuman sang fogging operation sa mga eskwelahan sa siudad.
Kabahin ini sang tikang kontra dengue nga ginapatuman kun weekend agud indi maapektuhan ang klase sa mga buluthuan.
Nag-gwa sa record sang CHO nga ang Barangay Mansilingan ang may pinakadamo nga dengue cases nga may 17.
Ginsundan ini sang Alijis kag Estefania nga may 16 ka dengue cases.