Ginsulod sang katapo sang Philippine Drug Enforcement Agency ang isa ka ginakabig drug den sa Barangay Mansilingan, Bacolod City.
Apat ka mga high value targets ang naabtan sang PDEA sa sulod sang hulot.
Ang mga nagkaladakpan amo sanday alyas “Lito”, alyas “Medardo”, pareho residente sang Brgy. Mansilingan; alyas “Rollie” kag alyas “Michael”, nga taga-Kabankalan City.
Suno sa report, si “Lito” amo ang maintainer sang drug den, samtang employer naman si “Medardo”, nga naga-obra bilang auto mechanic.
Ang duha ka mga pangayaw nga sanday “Rollie” kag “Michael” ang nagbisita sa drug den. Sila ang naga-obra bilang driver kag helper.
Narekober sa operation ang walo ka pakete sang suspected shabu, buy-bust money, duha ka improvised tooters, lima ka disposable lighters kag cellphone.*
[sibwp_form id=1]