Apat ka mga foreigner nga gikan sa South Africa ang gina-abisuhan nga magpaidalom anay sa quarantine antes magsulod sa Bacolod.
Suno kay Em Ang, executive director sang Emergency Operations Center, may tuyo kuntani ang mga dumuluong nga halin sa South Africa nga magpaidalom sa hotel quarantine sa siudad pero gin-abisuhan nila nga indi anay sila pwede makasulod sa Bacolod tubtob indi matapos ang 14 day quarantine period bilang pagpangaman batuk sa Omicron variant.
Sa post sang anay konsehal iya man ginkwestyon kun ngaa nakalusot ang mga dumuluong sa Bacolod-Silay Airport.
Ang mga dumuluong ang consultant sang isa ka kumapnya sa probinsya.
Nobyembre 25 kag 26 sang sila ang nag-abot sa probinsya.
Ginpahanumdum man sang EOC sa mga tagdumalahan sang hotel nga makig-angut sa ila kun may mga foreign national kag mga ROF nga gikan sa mga lugar nga may travel ban tuga sang kahangawa sang Omicron variant.
Ang South Africa kabahin sa mga lugar nga nalakip sa red list countries matapos diri na detect ang kaso sang Omicron variant.