Tigayon nga na-rescue ang tatlo ka mga mangingisda nga taga Hinoba-an sa kalalawran matapos nga malabyan sang isa ka international vessel.
Na rescue sang MV MAUD nga isa ka Singaporean-flagged bulk carrier samtang ini ang ang padulong sa Siocon, Zamboanga del Noprte sadtong Enero 25 ang tatlo ka mga mangingisda.
Ginsiling ni Hinoba-an Mayor Daph Reliquias nga la una, Lunes sang kaagahon nadul-ong na sa Brgy Culipapa sang Philippine Coast Guard ang tatlo ka mga mangingisda. Luwas na sila sa peligro.
Sa report sang Coast Guard, duha man ka adlaw kag isa ka gab-i nga nag utaw-utaw ang tatlo ka mga mangingisda matapos nga malunod ang ila nga sakayan – ang MB Princess Henna.
Suno sa alkalde tuman ka sulog sang balod rason nga nagkulob ang sakayan.
Hatagan ang tatlo sang financial assistance nga tig P10,000 kag mahimo food packs. Buligan man sila sa repair sang ila nga sakayan.
Ginakilala naman sang Coast Guard ang humanitarian act kag outstanding seamanship nga ginpakita sang MV MAUD sang ila nga gin-rescue ang tatlo ka mga mangingisda.
“Kusog lang gid ang sulog sang balod amo to nga nakulob ila nga bangka. Gin-report gid and gin pangita sila sang coast guard”, suno kay Reliquias.*