Shadow

3 ka flights pa Bacolod madayon na sa Lunes pero indi pa mahibaluan tubtob san-o

Sumugod Lunes, sa kada adlaw may tatlo na ka mga flights gikan sa Manila padulong sa Bacolod.

Suno kay Negros Occidental Governor Eugenio Jose Lacson, ini ang ginkasugtan na niila sa tagdumalahan sang Philippine Airlines, Cebu Pacific Air kag Air Asia.

Paathag sang gobernador wala sang petsa kun tubtob ini san-o bangud maga depende ang tanan sa alert level sang probinsya.

Ang pagdugang sang flights sabat man sa pagdamo sang pasahero karon kasubong man ang gina paabot pa gid nga pag damo sang mga naga biyahe tuga sang holidays.

Nagakasayuran suno kay lacson nga sumugod sa Lunes may 21 ka mga flights padulong Bacolod sa isa ka semana. Kun mahal man sa karon ang plete sa regular flights, suno kay Lacson ginpasalig naman siya sang airline companies nga mapanubo ini.

Nagapabilin ang SPass bilang requirement. Sa mga nabakunahan verifiable id kag sa wala nabakunahan, negative RT-PCR test result.

Leave a Reply

Your email address will not be published. Required fields are marked *

Secured By miniOrangeSecured By miniOrange