Sa Enero 31 gina paabot ang tatlo ka mga empleyado sang siuad sang Bacolod sa National Bureau of Investigation. Ini may angut sa pag pangusisa sa pagluntad sang mga peke nga business permit.
Suno kay NBI Bacolod Chief, Atty Renoir Baldovino, apat ang ila nga gin padal-an sang summon kag ini ang naga lakip sang tatlo ka mga regular nga empleyado sang Business Permits and Licensing Office sang siudad kag isa ka job order worker.
Ang tatlo suno sa NBI ang nag pahayag nga sila ang maga padulong sa NBI kag gina lauman nga sila ang maka hatag sang paathag sa gina siling pagluntad sang peke nga mga business permit.
Pag panghangkat karon sa NBI amo ang pag locate sang isa ka job order worker nga amo ang gina tudlo may kahilabtanan sa mga transaction bangud indi siya matultulan kay wala man sang address nga mahatag sa NBI.
Padalman sang NBI ang pag pangusisa bangud sa dalagan sang inisyal nga impormasyon ang mga transaction indi lamang sa administrasyon Benitez nagsugod ini kundi antes pa man.