Tatlo ka bulan nga extension ihatag sang Bacolod LGU sa mga vendors sang Burgos Public Market nga makabayad sa utang sa renta sa merkado.
Ginpahayag ni Councilor Celia Flor, pamuno sang Committee on Markets and Slaughterhouse sang konseho, nga nakasugtan sang Bacolod Lgu nga tagaan sang kahigayunan nga makabaligya pa ang mga vendors nga may utang sa renta sa Burgos Public Market.
Pero dapat magbayad sila sang minimum nga P5,000, kabahin sang compromise agreement.
Suno kay Flor, tatlo ka bulan nga extension sa baylo sang anum ka bulan ang ginhatag nga konsiderasyon para ma-settle sang vendors ang ila obligasyon sa siudad.
Nagligad lang nga semana sang ginka-alarma sang masobra 200 ka mga fish and vegetable vendors sang merkado ang ginhatag sa ila nga deadline nga kutob lang Enero 31.
Masobra sa Tig-P16,000 ang ginasukot sa ila sang Bacolod Lgu para sa gina arkilahan nga stalls sa merkado.