Patay si Jerry Camilo, 47-anyos matapos nga ginpulihan labo bangud nag-maoy kag hana magahaboy kuntani sang granada sa Purok Ramon, Sitio Balangbang Brgy. Codcod sa San Carlos City Sabado sang hapon.
Ang mga naglabo sa biktima amo sanday Tiloy Camilo kag Nolly Camilo lunsay mga himata man sang biktima.
Suno sa kay Police Major Ryan Villasario ang Deputy Chief of Police sang San Carlos City PNP, nagamaoy ang biktima kag ini ang ginsaway sang iya nga mga himata kag nagresulta ini sa pagtinapungulay.
Gina-alegar ginpulihan sang duha ka mga suspek si Jerry gani nagpauli siya kag nagkuha sang granada.
Tuyo niya kun tani nga palukpon ang granada apang gilayon ini nga ginlabo nanday Tiloy kag Nolly tubtub nga mapatay.
Wala mapalupok ang granada.
Sa karon nagapabilin nga at large ang duha ka mga suspek.