Gikan sa anum ka mga inter-local health zone para sa anum man ka mga distrito, iga-merge na lamang sa tatlo ka inter-local health zone.
Ini suno kay Governor Eugenio Jose Lacson, matapos nga ginkasugtan sa pagsinapol upod ang pila ka mga alkalde sa nagkalain-lain nga banwa kag siudad.
Paathag ni Lacson ang pag merge ukon pag tuga sang sub-provincial health system, kabahin man sa compliance sa idalom sang Universal Health Care Act. Ang District 1 and 2 iga isa, amo man ang District 3 kag 4 kag ang 5 kag 6.
Mas mangin maayo suno kay Lacson ang pag merge sa tatlo ka inter-local health zone bangud ini ang maga pasiguro nga sa kada health zone may yara sang level one kag level 2 nga hospital.
Gina paabot ang pagsaka man sang Silay Provincial Hospital bilang level 3 hospital kag ang mga District Hospital sa Cadiz, Kabankalan kag Valladolid sa level 2.
Samtang, sini nga hapon, ginpirmahan sang mga mayor sa third district ang MOA para sa inter LGU cooperation sa northern central inter-lgu health zone.
Suno kay Victorias City Mayor Javier Miguel Benitez, paagi sa collaboration sang mga LGU sarang nga mas mapasanyug ang health services.