Shadow

3 ka banwa sa Negros Oriental zero Covid cases

Padayon karon ang pag panaog sang active cases sa Negros Oriental nga nag record sang 530 new recoveries kag 123 lang ka new cases sa sulod sang tatlo ka adlaw.

Humalin sa masobra 700 ka active cases pag sugod sang bulan sang Disyembre. Karon nag panaog na sa 285 ang active cases sa probinsya.

Tatlo man ka LGU sa Negros Oriental ang wala na sa karon sang active cases. Ang ayungon, tayasan kag jimalalud. Magluwas diri, may 13 pa ka mga lgu nga manubo na sa 10 ang active cases sang Covid-19.

Samtang, padayon man ang pag nubo karon sang active cases sa Negros Occidental kag Bacolod City.

Ang Negros Occidental ang karon may yara na lang sang 353 ka active cases.

Ang Bacolod City naman nga may napul ka bag-o nga kaso kahapon ang may 349 active cases base sa record sang DOH Region 6.

Secured By miniOrangeSecured By miniOrange