Nakarekober ang kapulisan sa Bacolod City sang masobra duha ka kilo nga suspected shabu, may standard drug price nga P14 Million sa buy-bust sa Purok Kamunsil, Barangay 3 sa Bacolod, mga las 9:50 sang gab-i sadtong Domingo, Hulyo 5.
Sa nasambit nga operation, nadakpan ang ginakabig high-value individual nga yara man sa listahan sang Barangay Anti-Drug Abuse Council nga si alyas “Renz”, 25-anyos, taga Brgy. 1 sa Bacolod.
Base sa impormasyon nga nabaton sang mga operatiba, nagapakigbahin sa illegal drug activities si alyas “Renz” sa barangay 1, 4, 35 kag kaiping nga mga lugar sa Bacolod.
Nagsugod nga mangin drug runner si alyas “Renz” sini lang nga tuig matapos nagbata ang iya asawa sa ila ikatatlo nga anak.
Paagi sa tawag sa cellphone, nagahatag instruction ang source ni alyas “Renz” kung diin niya kuhaon ang shabu nga iga-distribute.
Si alyas “Renz” amo ang naga-deliver sang iligal nga droga sa iya mga downline sa nagkalain-lain nga lugar sa Bacolod.
[sibwp_form id=1]