Nagdangat sa kapin 30 ka mga illegal structures ang tigayon na nga ginpangkakas sang Bacolod City Legal Office Enforcement Team sa Purok Jose Rizal Barangay 14 aga sang Lunes, Hulyo 6.
Lakip diri ang 10 ka mga balay nga yara sa kilid sang creek.
Ginsiling ni Levy Pangue, pamuno sang enforcement team nga masobra na sa duha ka dekada nga nagapuyo ang mga residente sa kilid sang creek.
Dugang niya, makapila naman ka beses nga ginpangkakas ini, apang nagabinalik man sa gihapon.
Ang iban sa ila ang nahatagan na kuntani sang relocation, apang ginpang-disqualify sang Bacolod Housing Authority bangud nagabalik sila sa gihapon sa amo nga creek.
Kadungan sa amo nga operasyon, may anum ka mga colorum nga tricycle kag apat ka mga motorsiklo ang gin-impound sang Bacolod Transport and Traffic Management Department.
May 20 naman ka driver’s license ang nakumpiskar sang BTTMD bangud sa nagkalain-lain nga traffic violation.
[sibwp_form id=1]