Detained sa custodial facility sang police station 4 ang isa ka college student nga ginkilala kay alyas “Dave”, 21 anyos, matapos nakuhaan sang masobra isa ka kilo sang marijuana sa drug buy-bust operation sa Celine Homes Barangay Estefania, siudad sang Bacolod, Domingo sang kaagahon.
Suno kay P/Maj. Elmer Bonilla, hepe sang Police station 4, si Dave ang ginakabig bilang high value individual kag nadakpan sa akto nga nagbaligya sang iligal nga druga sa pulis.
Na-recover sa suspek ang 1.5 kilos sang laya nga dahon sang gina alegar marijuana nga nagabalor sang P225,000.