Nakilala na ang bangkay sang lalaki nga nasapwan sa kampo sang Sitio Lemoncito, Barangay Quintin Remo, banwa Moises Padilla sang nagligad nga semana.
Ang biktima ang ginkilala kay Vincent Gimotea, 29-anyos, kag taga Ajuy, Iloilo. Temporaryo siya nga naga tinir sa Moises Padilla sa iya katiyaan.
Suno sa Moises Padilla PNP, ang iloy kag utod mismo sang biktima ang nagkilala sa iya.
Dugang pa sang PNP, may mga pilas sa lawas ang biktima tuga sang igo sang bala.
Padayon ang pagkilala sang PNP sa suspek kag sa motibo sa pagpatay sa biktima.