Siudad sang San Carlos tuyo nga mag-file sang kaso batuk sa drayber kag sa tag-iya sang refrigerated van nga imbolbado sa bungguanay sa truck nga naga karga sang personnel sang City Health Office nga maga patigayon kuntani sang bloodletting.
Ginsiling ni Mayor Renato Gustilo, nga sila ang nag pakig-angut na sa Land Transportation Office para nga ma-identify kag ma locate ang tag-iya sang salakyan.
Sang Biyernes, Abril 10, nagbungguanay ang duha ka mga truck sa upper Ecotranslink Highway sang Barangay Rizal sa San Carlos City nga ginkamatay sang isa ka regular nga empleyado sang CHO.
Suno sa alkalde, wala naka pakita ukon naka pakig angut sa ila nga talatapan ang tag-iya sang truck.
Ang babaye nga contract of service nga duktor sang CHO nga isa sa mga pasahero ang ipaidalom sa operasyon, amo man ang isa ka lalaki nga nurse. Ang iban nga nasamaran suno kay Gustilo naga pabilin naman sa San Carlos City Hospital para mapasiguro ang ila nga kahimtangan antes ma discharge.
Ang drayber naman sang refrigerated van ang yara sa Bacolod kag natalana nga operahan suno kay Gustilo.
Sa kabilugan 11 ang gin-report nagkalasamaran sa amo nga bungguanay.
“Ang natabo kuno sa istorya after the accident, may nag abot man isa ka van iya man kuno sa company, ginkuha ang tanan nga unod, kag nadula. Siguro gin-deliver. Dason nadula, wala na. Wala gid, and still today we’re still wating, wala gid.
On my part I just told the police, nga i-trace ang tanan-tanan. I have instructed the city administrator to file the necessary case against them”, suno kay Gustilo.*
[sibwp_form id=1]