1,800 ka mga empleyado sang probinsya sang Negros Occidental ang ginpaidalom sa duha ka adlaw nga surprise drug test.
Ginsiling ni Provincial Administrator Rayfrando Diaz nga ini ang ika duha na nga batch.
May una nga drug testing nga ginpatigayon antes sang bulan sang Hulyo.
700 sa nag paidalom sa drug test kaina mga naga trabaho sa ospital kag 1,100 naman ang Capitol based.
Ginkasugtan sang Human Resources Office upod sa naga patigayon sang drug test nga antes magtakop ang Disyembre mapatuman ang ika duha nga batch sang drug test.
Suno kay Diaz ang mga regular nga empleyado nga nag positibo sa una nga batch sang drug test ang gin-assist man sang probinsya sa ila nga rehabilitation pero ini ang sa kagastuhanan na sang natungdan nga empleyado.
Ang contract of service, job order kag casual workers nga nag positibo ang wala na gin-renew.
Kabahin ini sa mandato ni Governor Eugenio Jose Lacson para sa isa ka drug free workplace.