Trese na lamang sa karon ang naga pabilin nga mga empleyado sang Kapitolyo Probinsyal nga naga recover sa Mambukal matapos mag positibo sa Covid -19.
Suno kay Atty Rayfrando Diaz, ang provincial administrator, sa 13 nalakip na ang duha ka mga empleyado nga kahapon gin-report nagpositibo sa virus. Ang mga naka recover nagbalik na report sa ila nga mga duty suno kay Diaz.
Wala labot sa naga padayon nga pagbakuna sa idalom sang Barangay Kapitolyo Vaccination Program suno sa provincial administrator may pila ka mga tikang nga ginpatuman para mapangapinan pa gid ang ikaayong lawas sang mga empleyado kontra sa Covid-19. Isa na diri ang pag pang install sang dugan nga mga air filters kag ang pag butang sa gwa sang mga airconditioned offices sang liason officers agudto didto na sila mag baton sang mga gina process nga mga dokumento. Natalana man ang pagpahamtang sang mga thinking space outdoor ukon al fresco.
Suno kay Diaz lubos ang suporta sang gobyerno probinsyal sa mga empleyado ilabi na sa mga nagmasakit sang Covid nga nagalakip bisan pa sang ila nga mga kianhanglanon nga bulong.