Nagapulaw sa haya sang ila tupad balay ang 13-anyos nga lalaki sang siya ang ginlampusan sang hubog nga suspek sa ulo gamit ang botelya sang beer, sa Barangay Paitan, Escalante City, Martes sang gab-i.
Gindala ang biktima sa Vicente Gustilo District Hospital apang napatay siya sang Miyerkules sang aga.
Nag-gwa sa imbestigasyon nga naga-inom-inom na nga daan ang suspek nga ginkilala kay alyas “Toto”, 29-anyos. Naglisensya ang suspek nga mangihi kag sa iya pagbalik, may bitbit na ini nga botelya sang beer nga wala sang unod.
Ginlampos sang suspek ang botelya sa ulo sang bata, nga nagapungko lang.
Nalagyo ang suspek apang sa follow-up operation siya ang nadakpan sa Sitio Nangka, Barangay Jonobjonob sa Escalante sang Miyerkules.
Suno sa pulis, kaso nga murder ang ipasaka batuk sa suspek, nga masami nagamaoy kun makainom.
Detained ang suspek sa Escalante PNP. Siya ang isa ka anay traffic enforcer kag anay CAFGU.
“Ang background sa suspect, mauyon ni siya once makainom… Subong wala siya obra, but previously employed as traffic enforcer. Actually, enforcer siya before kag nag-CAA, nag-Cafgu. So medyo pinahalin man siguro sa Cafgu tungod kay ma-oy”, suno kay Police Chief Master Sergeant Rodel Betic.*
[sibwp_form id=1]