Makita sa closed-circuit television camera footages nga nagalakat ang biktima sang may nagsunod sa iya nga duha ka mga lalaki nga naga-angkasanay sa motor sa Purok Mahimulaton sa Barangay Banago, Bacolod City, Miyerklues sang gab-i.
Gintuparan sang duha ka motorcycle-riding suspects ang biktima nga si alyas “Vic”, 39-anyos kag gintiro sang back-rider nga gunman.
Nagbalang-ba;ang ang motor sang mga suspek antes sila ang nagpalagyo gikan sa crime scene.
Pareho nga naka-delargo kag may tabon sa hitsura ang duha ka mga suspek.
Ginsiling ni Police Captain Rosalino Pugoy Jr., hepe sang Police Station 3 nga dako ang bulig sang nakuha nila nga CCTV footages apang sa karon, padayon pa ang imbestigasyon sa motibo kag mga anggulo sa pagpatay sa manug-scrap.
May duha ka igo sang bala sa likod ang biktima kag may narekober man nga duha ka mga empty shells sa lugar.
Nagapabulig ang kapulisan sa may impormasyon angut sa suspek nga mag-message sa ila Facebook page nga Pcrtress Bcpo ukon mag-contact sa hotline number: 0998-598-7464.
“Ang victim permi ni siya sa istasyon kay ginapa-blotter ni siya kay tungod sang mga nagakaladula sa lugar niya kag sa kalapit lugar niya da. Ang iya ni lakat nagapang-scrap pero nagapanguha bala sang mga indi na scrap, ang maagyan niya nga abi niya wala tag-iya. Nagapangawat kung sa lenguahe ta. Napriso siya sa kaso nga pagpangawat pero wala siya gina-filean amo na wala siya gakaduktan… Actually sa threat lang, damo sang naga-threat sa iya, kay tungod ang mga naperwisyo niya bala, ang mga ginapangkuhaan niya. Ti normal nga ginapahog man siya. Amo na ginalantaw ta pa kay basi bala may isa siya nga nakuhaan nga daw nahurt gid bala kag amo na ang naghimo sa iya. Isa na sa ginatan-aw ta… Damo pa nga anggulo ang ginalantaw kay kagab-i pa man lang natabo, indi ta pa gid ma-establish subong kung ano gid. Indi ta pa mahambal ang kung ano gid ang lakat sang aton imbestigasyon”, suno kay Pugoy.*
[sibwp_form id=1]