Tigayon na nga nabaton sang 31 ka mga miyembro sang Bacolod City Public Plaza Vendors Association ang mga bag-o nga carts nga ginhatag sa ila sang siudad sang Bacolod.
Ginsiling ni April Rose Mayo, Executive Assistant to the Mayor nga 15,000 pesos ang balor sang tagsa ka mga cart kag may ara man sang isa ka solar powered nga suga.
Tuyo sang siudad nga mangin presentable ang palibot sang plaza, rason nga gin palarehas nila ang itsura sang tanan nga mga carts.
Sandig sa pagsulundan sang siudad, kutob sa makabaton sang cart, ginadumilian sila nga iparentahan, ibaligya, ukon ihatag ini sa iban.
Matapos nga ginturn-over ini sa ila, sarang na ini magamit kag temporaryo sila anay nga ibutang sa atubang sang plaza samtang nagapadayon pa ang rehabilitation sa sulod sang plaza.
Ang ini nga mga vendors ang nakabaton man sang 10,000 pesos nga livelihood assistance gikan sa siudad sang tinalikdan nga tuig.*
[sibwp_form id=1]