Onse ka mga pampubliko nga eskwelahan sa Negros Occidental nalakip na sa Bacolod ang natalana magapatuman sang face to face classes.
Antes matapos ang tuig ginapaabot sang Department of Education ang pagsugod sang pilot run para sa pagbukas sang face to face classes sa dugang nga 177 ka mga eskwelahan sa pungsod.
Sa Negros Occidental napulo ka mga public schools ang nakapasar sa safety assessment sang DepEd kag Department of Health.
Samtang isa naman ka high school sa Barangay Alangilan sa Bacolod ang napahanugutan nga makabalik sa pagbukas sang face to face classes.
May 118 na ka mga eskwelahan nga una naaprobahan sang DepEd kag DOH para sa pilot implementation sang face to face classes sang Nobyembre.
Magalawig ang pilot testing sang klase tubtob Enero sa madasun nga tuig.