Sa Silay City, may pag timbook sa kaso sang dengue. Sini lamang,
11 anyos nga bata nga lalaki ang gin-report napatay bangud sang dengue.
Gin patuman ang fogging operation sakop sang Yolanda housing sa Brgy E. Lopez sa Silay City kun sa diin gin-report ang recorded dengue death.
September 15 sa ila nga datus suno kay Dr Vanessa Mahrie Madayag, Assistant City Health Officer napatay ang bata nga na admit sa Provincial Hospital sa Silay.
Ginhimo man ang tanan suno sa kay Madayag para matabangan ang bata pero wala niya ini nalampuwasan.
Suno kay Madayag, may pagsaka sa bulan sang Agosto sang Dengue Cases sa siudad. Sang June may 10 dengue cases sa siudad nga na report. Sang July naka record sang 52 cases, pag lab-ot sang Agosto nagdangat ini sa 94 cases, ukon masobra sa 80 percent nga saka.
Humalin Enero tubtob subong nga Setyembre may 203 ka dengue cases ang Silay.
“Gina tinguhaan gid naton nga ma identify ang tanan-tanan kay actually ang amon dilemma is ang iban nga mga cases naton gina una ang hilot ang traditional naton nga medicine kun kis-a kun mag lala na that’s the time nga mag kadto sila sa amon para mag seek medical consult eventually galain na ang condition that’s why mapa admit gid namon ang pasyente”, suno kay Madayag.
Todo ang kampanya karon sang CHO, labi na nga may mga naga dugang pa gid nga kaso.
Mismo si Mayor Joedith Gallego sa iya nga Facebook account ang naga panawagan sa mga pumuluyo nga mag patuman sang pag paninlo sa ila nga palibot para malikawan ang balatian nga dala sang lamok.
Lakip sa kampanya ang information dissemination para mapasanyog pa gid ang ihibalo sang mga pumuluyo sa balatian nga dala sang lamok.
[sibwp_form id=1]