May nagahilibi-on kag may nagapalagyo nga mga magagmay nga kabataan sa una nga adlaw sang Covid-19 Pediatric Vaccination para sa 5-11 years old sa Riverside Medical center sa bacolod.
Gani may mga mascot man nga naglingaw sa ila agud bisan paano madula ang ila kakulba.
Tuyo sang Bacolod Emergency Operations Center nga makapang-bakuna sang tag-isa ka gatus nga 5-11 year old sa kada vaccination area sa kada adlaw.
May apat nga vaccination area ang gintalana sang siudad para sa pediatric vaccination.
Ang mga ginikanan sang sini nga mga kabataan nalipay nga natapos na ang pagpabakuna sang ila mga kabataan agud man nga ma-proteksyunan sila sa virus.
Pero indi malipod nga may pila man ka mga ginikanan kag mga grupo nga wala naga pati sa bakuna.
Ini magluwas pa nga may mga religious sector nga ginadumilian man ang pagpabakuna.
Ang pagpabaskog sang pediatric vaccination pamaagi sang national Inter Agency Task Force Against Covid-19 agud nga mas mapabaskog pa ang population proteksyon ilabi na sa mga magagmay nga kabataan sa kada local government unit sa tion nga masugdan na ang pagbalik ang face to face classes.