Shadow

363,000 ka mga kabataan target nga mabakunahan sa Negros Occidental

Avelyn Agudon-Maranon photo

Ginsugdan na ang pagbakuna sang 5 to 11 year old sa probinsya sa Teresita Lopez Jalandoni Provincial Hospital sa Silay City sini nga adlaw.

Ang mga kabataan nga gin-updan mismo sang ila nga mga ginikanan ang gintawag nga mga bag-o nga heroes. Ang pagbakuna ang gina paabot nga mas magapadasig sang tikang agudto makabalik sa kinaandan, labi na sa face to face classes.

Masobra sa 360,000 ang yara sa 5-11 year old sa Negros Occidental ang target nga mabakunahan. Suno kay Provincial Health Officer, Dr Ernell Tumimbang, sunod nga magapatuman sang pagpangbakuna ang mga ospital sa probinsya kag depende sa mga maga abot nga supply, sa tagsa ka mga LGU.

Pfizer ang brand sang bakuna nga gin gamit, pero lain ini sang sa Pfizer vaccine nga para sa adult. Napuno sang superheroes, mga balloons kag giveaways ang vaccination site.

May pa magic pa para maghatag sang kalingawan sa mga kabataan. Si Bacolod mayoral aspirant Albee Benitez nga naga duso sang pagpabakuna para malampuwasan ang pandemic, ang nag hatag sang libre nga ticket sa Magikland sa mga nagpabakuna kaina. Ini sa pagpakita nga naga balik na amat-amat sa normal.

Secured By miniOrangeSecured By miniOrange