May masobra sa 234,000 ka mga learners ang tigayon nga naka enroll sa mga pampubliko nga eskwelahan sa Negros Island Region sa una nga duha ka adlaw sang enrollment period.
Suno kay Almyr Caezar Dequiña ang spokesperson sang DepEd NIR, 234,931 as of June 3, 8 am ang tigayon na nga naka enroll humalin kindergarten padulong sa Senior High School.
Ang enrollment period naka schedule tubtob sa Hunyo 5 kag gina lauman nga magasaka pa gid ang kadamuon sang enrollees.
“Sige-sige ang aton updating sa enrollment. And we’re looking forward to seeing more numbers in the following days”, suno kay Dequiña.
Sa pihak nga bahin, ginakilala sang DepEd ang literacy crisis sang pungsod kasunod sang assessment nga naga pakita nga 87 percent sang Grade 11 students ang na-classify bilang non-independent readers.
Suno kay Dequiña may mga tikang nga gina patuman ang DepEd NIR para diri. Pero, luyag man nila ipatuman ang assessment sa rehiyon para mapat-od gid ang matuod-tuod nga sitwasyon. Kag ini ang mangin basehan sang mga programa nga ipatuman.
Ang nag gwa nga assessment sa national report ang nabase lamang sa sample size.*
[sibwp_form id=1]