Padayon nga gina monitor sa karon sang PAGASA ang isa ka Low Pressure Area sa gwa sang Philippine Area of Responsibility nga sa subong may mataas na nga tsansa nga mangin isa ka bagyo sa masunod nga 24 oras.
Suno sa PAGASA malayo pa ang ini nga LPA nga yara sa east sang Northeastern Mindanao.
Kun mangin isa na ka bagyo kag tigayon makasulod sa PAR, tawgon ini nga Domeng, ang ikaapat nga bagyo nga nakasulod sa Pilipinas.
Ginapaabot nga posible magalab-ot sa isa ka severe tropical storm ukon mas mabaskog pa diri si Domeng pero magapabilin ini sa dagat kag malayo sa duta.
Ang ini nga bagyo ang ginapaabot nga maga pasugod sang dapya sang hangin Habagat sa Visayas kag Mindanao.
Sa subong mangin mainit ang panahon sa Negros ilabi na kun udto pero may posibilidad man sa gihapon sang pag ulan kun hapon kag kun gab-i.
Ang trough ukon ang extension sang bagyo ang naga apektado karon sa Palawan kag sa Mindanao.*
[sibwp_form id=1]