Nagsugod na ang hinampang sa Palarong Pambansa sa Agusan del Sur.
Pinaka una nga gold para sa Negros Island Region nakuha sang atleta gikan sa Sagay City.
Si Marjen Iwayan ang nakakuha sang una nga gold para sa NIR sa Elementary Girls Javelin Throw sini nga adlaw, Mayo 25 sa hinampang sa D.O. Plaza Government Center Sports Complex.
Iya gintiglawas ang Schools Division Office sang Sagay City.
Suno sa DepEd si Iwayan ang may standout performance nga nag hatag sa Visayan Vipers sang breakthrough victory sa national meet.
Suno sa DepEd ang pag kakuha ni Iwayan sang una nga gold pakita sang panugod nga kadalag-an sang NIR nga nag pabakod sang morale sang team sa tunga sang kumpetisyon labi na nga ini ang una nga tion sang NIR para sa amo nga national nga hinampang.
Coach ni Iwayan sanday Renan Perdon kag Norven Ledesma.
Ika duha nga nag kuha sang gold para sa NIR amo si Christine Rose Toquero, Javelin Throw Secondary – Girls. Iya gin tiglawas ang Schools Division of Escalante City.
Padayon ang hinampang tubtob sa May 30 nga opisyal nag bukas sang Domingo.
[sibwp_form id=1]