Sumugod sini nga adlaw, nangin legal na ang pagbaligya sang 42 ka mga ambulant vendors sa North Capitol Road sa gwa sang Capitol Lagoon matapos nga tigayon na nila nga nakuha ang special permit nga gin-issue sa ila sang siudad sang Bacolod.
Sini nga Lunes sang aga, nagsapol si Bacolod City Mayor Greg Gasataya sa mga vendors agud masolusyonan ang ila mga concerns sa ila pagbaligya sa nasambit nga lugar.
Isa sa mga gintalakay amo ang pagbutang sang siudad sang dugang nga mga suga sa North Capitol Road kag ang pagpatuman sang weekly nga flushing sa ginapwestohan sang mga vendors.
Ginsiling ni Mayor Greg Gasataya nga ini palang ang pinakauna nga tion nga nahatagan sang permit ang mga vendors sa amo nga lugar.
Plano man sang siudad nga i-regulate man ang mga vendors nga nasakpan sang vending ordinance kaangay sang La Salle Avenue, Gonzaga Street, Gatuslao Street, Bonifacio Street kag Ballesteros Street.
Sarang nga ma renew sang mga vendors ang ila special permit kada duha ka bulan. Sandig man sa permit, may permanente na nga pwesto nga gin-assign ang siudad sa tagsa ka mga vendors.*
[sibwp_form id=1]