Luyag na sang siudad nga matapos na ang pagkay-o sang Bacolod City Public Plaza sa bulan sang Hulyo.
Ginsiling ni Mayor Greg Gasataya nga sandig sa kontrata sang siudad kag sang Tourism Infrastructure and Enterprise Zone Authority ukon TIEZA, dapat sang tinalikdan pa nga tuig ini natapos, apang, nagpangabay ang TIEZA sang extension.
Suno sa alkalde, kinahanglan nga indi na mag lawig pa ang construction bangud madamo na sang negatibo nga komento ang publiko nahanungod sini.
Madumduman nga kapin 300 million pesos ang budget para sa pagkay-o sang plaza kag sang fountain sa Bacolod City Government Center.
Damlag pa, gintipon sang siudad ang mga barker sa palibot sang plaza agud ipropose ang plano sang siudad nga livelihood program sa ila, sa baylo nga maghalin na ang mga ini sa plaza.
Nangin positibo man ang pagbaton sang mga barker sa amo nga programa suno sa alkalde.
Sumugod Hunyo 1, may mga blue guards na nga magabantay sa palibot sang plaza.
Masobra sa 1.7 million pesos ang ginpain nga budget sang siudad sa pag-hire sang anum ka blue guards nga magabantay sa plaza tubtob katapusan sang Disyembre sini nga tuig.*
[sibwp_form id=1]