Anum ka persona ang gindakop kahapon sang San Carlos City PNP sa ila nga buybust operation sa Barangay 5.
Lunsay mga street level individual ang mga ginpangdakop. Lakip sa nadakpan ang 15 anyos nga lalaki kag 18 anyos nga babayi.
102,000 pesos nga balor sang ginaptihan shabu ang nakuha sa ila.
Samtang, arestado man sang martes ang isa ka security guard matapos makuhaan naman sang 238,000 pesos nga balor sang iligal nga droga sa Barangay Enclaro sa Binalbagan.
Ang suspek nga si John Mark Villanieva ang yara sa drugs watchlist sang Binalbagan PNP.
Nakuha sa iya ang walo ka sachet sang suspected shabu kag gina patihan dahon sang marijuana.
Sa siyudad sang Silay, arestado man ang duha ka street level individual matapos makuhaan sang 54,000 pesos nga balor sang shabu.
Ang mga naaresto amo sanday Clarence Dellomes kag Ian Rey Gatia.
Kaso nga pag lapas sa RA 9165 ang pangatubangon sang mga gindakop.