Nakuryente ang 10 ka tuig nga bata nga lalaki matapos siya ang nagsaka sa Automatic Voltage Regulator (AVR) platform sang Negros Occidental Electric Cooperative sa Crossing Purong, Barangay Nabulaso sa Sipalay City, Huwebes sang hapon, Pebrero 12.
Nakaangkon sang 3rd degree burns si alyas “Marlon”.
Sa panaysayon sang amay sa kapulisan, mentally unstable ang iya nga bata kag wala nila madeparahan nga siya ang nagsaka sa AVR platform.
Ginabulubanta 5 ka tapak ang kataason sang AVR platform.
Nagsaka ang bata agud kuntani kuhaon ang pugaran sang pispis, apang siya ang nakuryente.
Ginsiling ni Police Lt. Cipriano Lumanog III, deputy chief sang Sipalay PNP, istable na ang kondisyon sang bata apang siya ang gin-refer sa ospital bangud sang iya mga paso.
Samtang, nagtuga ang insidente sang brownout sa bahin sang Hinoba-an.*
[sibwp_form id=1]